Thursday, 09 February 2012 03:50

საქართველოს პარლამენტის თავმჯდომარე დავით ბაქრაძე ხვალ ევროპული ფონდის "BOSH"-ის წარმომადგენლებს შეხვდება. "პირWელის" ინფორმაციით, ევროპული ორგანიზაცია "BOSH" საქართველოში არსებული კონფლიქტების მოგვარების პროცესში ჩართვას ცდილობს და გერმანელი დიპლომატი დიტერ ბოდენი საქართველოში სწორედ აღნიშნული ორგანიზაციის ეგიდით ჩამოვიდა."

Thursday, 09 February 2012 03:50

ევროკავშირის სადამკვირვებლო მისიის შეფასებით, "ტელეკომპანია "იმედის" ეთერში გასულ იმიტირებულ "ქრონიკას" სიტუაციის დესტაბილიზება შეეძლო". ამის შესახებ მისიის მიერ გავრცელებულ განცხადებაშია ნათქვამი, რომელიც მისსავე ოფიციალურ ვებგევრდზე გავრცელდა.

მისია დაინტერესებულ მხარეებს შეახსენებს, რომ "მსგავსი ტიპის უპასუხისმგებლო გადაცემებს ადმინისტრაციულ საზღვრებთან სიტუაციის სერიოზული დესტაბილიზაციის პოტენციალი აქვს და შესაძლო იყო, მის გამო სახიფათო და არსებითი ინციდენტები მომხდარიყო".

"მივმართავთ პასუხისმგებელ პირებს, მომავალში სრულად გაიაზრონ მათი ქმედებების მნიშვნელობა და მსგავსი გადაწყვეტილების მიღების დროს უზრუნველყოფილი იყოს უსაფრთხოება და სტაბილურობა", - ნათქვამია მისიის განცხადებაში, რომელშიც აღნიშნულია, რომ "მოდელირებული ქრონიკის" შემდეგ ევროპელი დამკვირვებლები მუდმივად სწავლობენ ადმინისტრაციულ საზღვრებთან არსებულ მდგომარეობას, რომელიც ამ ეტაპზე მშვიდია, თუმცა დაფიქსირდა მოსახლეობის შეშფოთება.

"გადაცემის მსვლელობისას ინციდენტების პრევენციისა და მათზე რეაგირების მექანიზმის ფარგლებში რუს მესაზღვრეებთან და დე ფაქტო ხელისუფლებასთან "ცხელი ხაზის" საშუალებით მუდმივ კონტაქტზე ვიყავით. შევძელით, დაგვერწმუნებინა ისინი, რომ გადაცემა მოდელირებული იყო და გადავამოწმეთ, რომ მათი მზადყოფნის დონე უცვლელი რჩებოდა", - ნათქვამია განცხადებაში.