სააკაშვილმა ქართველი მორაგბეები რუსეთის ნაკრების დამარცხების გამო დააჯილდოვა

Monday, 22 March 2010 09:56

Written by Administrator

პრეზიდენტმა სააკაშვილმა 21 მარტს საქართველოს რაგბის ნაკრების თითოეული წევრი ევროპის ერთა თასის ბოლო მატჩში რუსეთის ნაკრების 36-8 ანგარიშით დამარცხების შემდეგ ღირსების ორდენებით დააჯილდოვა.

საქართველოსაც და რუსეთსაც შაბათის მატჩამდე მსოფლიო ჩემპიონატის საგზური უკვე მოპოვებული ჰქონდათ - საქართველომ 27 ქულა მოიპოვა ჯგუფში, ხოლო რუსეთმა - 25.

პრეზიდენტის სასახლეში საქართველოს ეროვნული ნაკრების მოთამაშეებთან საუბრისას სააკაშვილმა მადლობა გადაუხადა გუნდს იმისათვის, რომ მათ რუსეთის წინააღდეგ ჩატარებული მატჩი დაღუპული ქართველი ჯარისკაცების ხსოვნას მიუძღვნეს.

”მე არ მინდა სპორტის პოლიტიკასთან გაიგივება. ჩვენ არანაირი არც სიძულვილი და არც ბოღმა არ უნდა გვქონდეს სპორტსმენებზე; სპორტი არის მეგობრობისთვის. მაგრამ მე შევამჩნიე ერთი რამ - ჩვენ ეს არ გვაქვს ქართველებს; მაგრამ არც ერთმა ტელეარხმა რუსეთში არ შეატყობინა არავის თქვენი გამარჯვების ამბავი,” - განაცხადა სააკაშვილმა.

”ქართველებმა გუშინდელ მატჩს ”ღირსების მატჩი” უწოდეს; მინდა მთელი გუნდი ღირსების ორდენებით დავაჯილდოვო,” - განაცხადა მან.

რუსეთ-საქართველოს მატჩი თურქეთის ქალაქ ტრაბზონში ჩატარდა. სტადიონზე 6 ათასამდე ქართველი გულშემატკივარი იმყოფებოდა, მათ შორის პარლამენტის თავმჯდომარე დავით ბაქრაძე, კულტურის და სპორტის მინისტრი ნიკა რურუა, საქართველოს ელჩი გაეროში ალექსანდრე კომაია და პირველი ლედი სანდრა რულოვსი.

უკრაინაში, ერთი წლის წინ ამ სეზონის ტურნირის პირველ მატჩზე ქართველმა რუსები ანგარიშით 29-21 დაამარცხეს.

შაბათის მატჩი ქართულმა ტელეკომპანიებმა ფართოდ გააშუქეს. იგი დღის მთავარ თემად იქცა.

http://Civil.ge

Add comment

ჩვენ მივესალმებით თქვენს სურვილს გამოხატოთ აზრი მოცემულ ინფორმაციასთან ან სტატიასთან დაკავშირებით. თუმცა, გთხოვთ გაითვალისწინოთ, რომ ჩვენ ვზღუდავთ შეურაცხმყოფელი სიტყვების გამოყენებას. თუ გსურთ თქვენი კომენტარი გამოქვეყნდეს პირადი აზრის სახით, როგორც საგაზეთო სტატია, მიუთეთეთ საკონტაქტო ინფორმაცია.

Name (required)

E-mail (required)

Website

Notify me of follow-up comments

Security code
Refresh