ნინო ბურჯანაძე ვადამდელი საპრეზიდენტო არჩევნების ინიციატივით გამოდის

Monday, 22 March 2010 10:26

Written by Administrator

"დემოკრატიული მოძრაობის-ერთიანი საქართველოს" ლიდერი ნინო ბურჯანაძე ვადამდელი საპრეზიდენტო არჩევნების დანიშნვის მოთხოვნის დაყენების ინიციატივით გამოდის. აღნიშნული განცხადება ბურჯანაძემ დღეს სასტუმტო "თბილისი მარიოტში" "ლეიბორისტული პარტიის" მიერ ინიცირებულ ოპოზიციურ შეკრებაზე გააკეთა.

ბურჯანაძის შეფასებით, "საქართველოში არსებული ვითარება საგანგაშოა და არ შეიძლება, ქვეყანას გამუდმებით მხოლოდ საერთაშორისო საზოგადოების დახმარების იმედი ჰქონდეს". "ოპოზიციური აზრების გაზიარება და კოორდინაცია შექმნილ ვითარებაში მეტად მნიშვნელოვანია. საქართველო დენთის კასრთან ძალიან ახლოს დგას და ამის მოთმენა აღარ შეიძლება. ჩვენ უნდა შევთანხმდეთ და მოვითხოვოთ რიგგარეშე საპრეზიდენტო არჩევნები, რათა ქვეყანა სასაცილო მდგომარეობიდან გამოვიყვანოთ", - განაცხადა ბურჯანაძემ და დასძინა, რომ "დასავლეთში ადრე მხოლოდ მიხეილ სააკაშვილს აქილიკებდნენ, ახლა კი მთელს საქართველოს დასცინიან".

მისივე განმარტებით, საქართველოს მიმართ საერთაშორისო დამოკიდებულების შესახებ ინფორმაცია მას დასავლეთში მოღვაწე ერთ-ერთმა ქართველმა ჟურნალისტმა მიაწოდა. სასტუმრო "თბილისი მარიოტში" "ლეიბორისტული პარტიის" მიერ ინიცირებული ოპოზიციური შეკრება მიმდინარეობს. შეხვედრა ოპოზიციურ ძალებს შორის დაბალანსებული ურთიერთობის აუცილებლობაზე საუბრით დაიწყო.

Add comment

ჩვენ მივესალმებით თქვენს სურვილს გამოხატოთ აზრი მოცემულ ინფორმაციასთან ან სტატიასთან დაკავშირებით. თუმცა, გთხოვთ გაითვალისწინოთ, რომ ჩვენ ვზღუდავთ შეურაცხმყოფელი სიტყვების გამოყენებას. თუ გსურთ თქვენი კომენტარი გამოქვეყნდეს პირადი აზრის სახით, როგორც საგაზეთო სტატია, მიუთეთეთ საკონტაქტო ინფორმაცია.

Name (required)

E-mail (required)

Website

Notify me of follow-up comments

Security code
Refresh