ნოვრუზი საქართველოში ეროვნულ დღესასწაულად გამოცხადდა

Monday, 22 March 2010 09:58

Written by Administrator

ნოვრუზ ბაირამი, დღესასწაული, რომელსაც საქართველოს მუსულმანური საზოგადოება ფართოდ აღნიშნავს, ეროვნულ დღესასწაულად გამოცხადდა, განაცხადა პრეზიდენტმა სააკაშვილმა 21 მარტს.

ამ დღესასწაულის აღსანიშნავად პრეზიდენტი სააკაშვილი კვირას ეთნიკური აზერბაიჯანული მოსახლეობით დასახლებულ ქალაქ მარნეულს ესტუმრა.

”ამ დღესასწაულს თქვენთან ერთად ზეიმობს მთელი საქართველო იმიტომ, რომ თქვენ ხართ ჩვენი [საზოგადოების] უმნიშვნელოვანესი ნაწილი,” - მიმართა სააკაშვილმა მარნეული მოსახლეობას.

”მე მინდა დღეს თქვენი დღესასწაული, ისევე როგორც არის ყველა სხვა დღესასწაული საქართველოში გამოვაცხადო, საქართველოს მთავრობის სახელით, საერთო ეროვნულ დღესასწაულად და დღევანდელი დღიდან ეს დღესასწაული საქართველოში აღინიშნება, როგორც ყველა დიდი ქართული დღესასწაული. ეს არის საერთო ეროვნული ქართული დღესასწაული,” - განაცხადა მან.

”ეს კიდევ ერთხელ ადასტურებს იმას, რომ ჩვენ არ ვანსხვავებთ ჩვენი ერის შვილებს, ყველანი ჩვენთვის ერთნაირად ძვირფასია,” - დასძინა სააკაშვილმა.

civil.ge

Add comment

ჩვენ მივესალმებით თქვენს სურვილს გამოხატოთ აზრი მოცემულ ინფორმაციასთან ან სტატიასთან დაკავშირებით. თუმცა, გთხოვთ გაითვალისწინოთ, რომ ჩვენ ვზღუდავთ შეურაცხმყოფელი სიტყვების გამოყენებას. თუ გსურთ თქვენი კომენტარი გამოქვეყნდეს პირადი აზრის სახით, როგორც საგაზეთო სტატია, მიუთეთეთ საკონტაქტო ინფორმაცია.

Name (required)

E-mail (required)

Website

Notify me of follow-up comments

Security code
Refresh